練波
最驚喜…一眾球星練完波走埋場邊簽足十幾二十分鐘名…
最戥人高興位…翅姐搵到加利仔簽名…阿公仲同費查合照…
最先一個簽名…史高斯. 聽講佢比較cool…o係英國都唔係成日同人簽…o個日真係有求必應咁滯
最難得一個簽名…奧沙…本來行開左架喇,我猛叫"excuse me john…here please…" 佢特登轉返過黎簽埋.
最好笑容…侯活
最無緣…雲尼斯特羅…次次影親都鬆郁朦…
最乞人憎…李克勤…雲佬,雲達沙,里奧費迪南等等簽到我地面前時,俾佢叫左去影相…
最搞鬼…有人對住阿董(董方卓)大叫"dung fong cheuk"…嘩,D國語好到呢…
酒店外
最有台型…當然係費爵爺喇 (又有人對住佢大叫"費sir"…汗…)
最親民…助教基羅斯…我同阿公跟埋佢行,佢主動揮手微笑,仲同阿公傾左兩句.
最無所事事…阿董成日響酒店大堂行黎行去…都唔知係咪俾班老鬼玩新生…叫佢響大堂等住先,自己就出左去蒲.
球賽
最high…與來自曼徹斯特的英國fans大合唱glory glory man united
最感動…阿giggs響我前面開角球…仲要係一個成功o既助攻(1-0羅斯射入). 97,99年,傑斯都同香港球迷緣慳一面…隨住佢年紀越大,能夠親眼見到佢斬波真係可遇不可求o既機會喇…
最落力…阿倫史密夫…改打防守中場o既辣椒仔搶波下下都去到好盡…連完場後練跑都一馬當先…咁好拼勁,希望真係多D機會出場喇.
最匪夷所思…最佳球員…居然係輸波香港隊o既歐偉倫…大佬啊,就算佢退休都唔駛夾硬俾個獎o架…你可以頒個長期服務獎或者"金針"雲耳蒸雞獎都得…最佳球員就真係,單字一個"呆".
L@united 